一個80後, 溫室中長大。 2008年Master畢業。 2009年結婚。 2010年生Baby。 2011年做part-time。 2012年離開醫院,返屋企湊仔。 2013年做全職媽媽。。。

Saturday, 13 January 2018

乜嘢事,睇唔起勁,又浪費一天!

真係撞鬼,K爸爸傳染我,
佢發完燒,
當我而家周身骨痛喉嚨痛,
仲有少少心口痛添。



我成日喺度諗,
我間唔中都會心口痛,
我會唔會有一日無啦啦心臟病死咗㗎呢?

可能因為仲有少少頭痛頭暈,
宜家做乜都提唔起勁咁。
爹哋已經好幫手,
由昨晚開始幫我湊走粒粒,
等我夜晚可以好好瞓一覺。

成晚發冷發熱咁,
真係癡鬼線,昨日一共食咗四粒Panadol,
 total食咗2g ,會唔會有啲誇張?

可惜,今朝起身嘅時候,
依然仲「溫溫燉燉」咁周身骨痛,
乜都提唔起勁,
我預計到我將會浪費一日。

本來Jayden 話公公屋企玩,
我叫佢唔好去。

我:
「萬一我暈咗,你自己著鞋去搵公公。
如果你去咗公公屋企玩,就冇人知我暈咗㗎啦!」

Jayden 點點頭,好似真係明白咁。


星期日,陽光普照,
天朗氣清,我就攤係屋企,
好似白白浪費左一日咁。

但,真係周身骨痛,有啲辛苦。
而家捲喺被竇入面,
打blog,順便睇YouTube 。

哈哈,又睇化妝片,
一個唔識化妝嘅師奶,
但好鍾意睇化妝片。

老實講,有一排,
有少少介意自己個blog有冇人睇。
唔知呢?但而家變得完全唔介意,
就算有冇人睇,我都會盡我所能,
記低自己同屋企人每一日發生嘅特別是事。

個blog係為自己,俾將來嘅自己,
唔係為人哋,所以多人睇小人睇,
都唔會影響到我心情。

Yeah !

No comments:

Post a Comment